jaan apni chali jae he jae se kasu ki

jaan apnī chalī jaa.e he jaa.e se kasū kī

aur jaan meñ jaan aa.e hai aa.e se kasū kī

vo aag lagī paan chabā.e se kasū kī

ab tak nahīñ bujhtī hai bujhā.e se kasū kī

bujhne de zarā ātish-e-dil aur na bhaḌkā

mehñdī na lagā yaar lagā.e se kasū kī

kyā soiye phir ġhul hai dar-e-yār pe shāyad

chauñkā hai vo zanjīr hilā.e se kasū kī

kah do na uThā.e vo mujhe paas se apnī

jī baiThā hī jaatā hai uThā.e se kasū kī

jab maiñ ne kahā aa.iye man jā.iye bole

ham aur bhī rūTheñge manā.e se kasū kī

chuppī meñ jo kuchh baat kī maiñ ne to ye bole

ham to nahīñ dabne ke dabā.e se kasū kī

yaaro na charāġh aur na maiñ sham.a huuñ lekin

har shaam ko jaltā huuñ jalā.e se kasū kī

paatā nahīñ ghar us kā samajhtā hī nahīñ hai

is bait ke ma.anī bhī batā.e se kasū kī

jab us se kahā merī sifārish meñ kasū ne

hāsil bhī rulā.e se kuḌhā.e se kasū kī

ik ta.an se ye hañs ke lagā kahne ki be-shak

ham rolte motī haiñ rulā.e se kasū kī

kahtā hai ki 'ehsāñ' na kahegā to sunegā

matl.a ye kahā maiñ ne kahā.e se kasū kī

jaan apni chali jae he jae se kasu ki

aur jaan mein jaan aae hai aae se kasu ki

wo aag lagi pan chabae se kasu ki

ab tak nahin bujhti hai bujhae se kasu ki

bujhne de zara aatish-e-dil aur na bhaDka

mehndi na laga yar lagae se kasu ki

kya soiye phir ghul hai dar-e-yar pe shayad

chaunka hai wo zanjir hilae se kasu ki

kah do na uThae wo mujhe pas se apni

ji baiTha hi jata hai uThae se kasu ki

jab main ne kaha aaiye man jaiye bole

hum aur bhi ruThenge manae se kasu ki

chuppi mein jo kuchh baat ki main ne to ye bole

hum to nahin dabne ke dabae se kasu ki

yaro na charagh aur na main shama hun lekin

har sham ko jalta hun jalae se kasu ki

pata nahin ghar us ka samajhta hi nahin hai

is bait ke mani bhi batae se kasu ki

jab us se kaha meri sifarish mein kasu ne

hasil bhi rulae se kuDhae se kasu ki

ek tan se ye hans ke laga kahne ki be-shak

hum rolte moti hain rulae se kasu ki

kahta hai ki 'ehsan' na kahega to sunega

matla ye kaha main ne kahae se kasu ki