is ibtida ki saliqe se intiha karte

is ibtidā kī salīqe se intihā karte

vo ek baar mile the to phir milā karte

kivāḌ garche muqaffal the us havelī ke

magar faqīr guzarte rahe sadā karte

hameñ qarīna-e-ranjish kahāñ mayassar hai

ham apne bas meñ jo hote tirā gilā karte

tirī jafā kā falak se na tazkira chheḌā

hunar kī baat kisī kam-hunar se kyā karte

tujhe nahīñ hai abhī fursat-e-karam na sahī

thake nahīñ haiñ mire haath bhī duā karte

unheñ shikāyat-e-be-rabtī-e-suḳhan thī magar

jhijak rahā thā maiñ iz.hār-e-mudda.ā karte

chiqeñ girī thiiñ darīchoñ pe chaar sū 'anvar'

nazar jhukā ke na chalte to aur kyā karte

is ibtida ki saliqe se intiha karte

wo ek bar mile the to phir mila karte

kiwaD garche muqaffal the us haweli ke

magar faqir guzarte rahe sada karte

hamein qarina-e-ranjish kahan mayassar hai

hum apne bas mein jo hote tera gila karte

teri jafa ka falak se na tazkira chheDa

hunar ki baat kisi kam-hunar se kya karte

tujhe nahin hai abhi fursat-e-karam na sahi

thake nahin hain mere hath bhi dua karte

unhen shikayat-e-be-rabti-e-suKHan thi magar

jhijak raha tha main izhaar-e-muddaa karte

chiqen giri thin darichon pe chaar su 'anwar'

nazar jhuka ke na chalte to aur kya karte