is bar un se mil ke juda hum jo ho gae
is baar un se mil ke judā ham jo ho ga.e
un kī saheliyoñ ke bhī āñchal bhigo ga.e
chaurāhoñ kā to husn baḌhā shahr ke magar
jo log nāmvar the vo patthar ke ho ga.e
sab dekh kar guzar ga.e ik pal meñ aur ham
dīvār par bane hue manzar meñ kho ga.e
mujh ko bhī jāgne kī aziyyat se de najāt
ai raat ab to ghar ke dar-o-bām so ga.e
kis kis se aur jaane mohabbat jatāte ham
achchhā huā ki baal ye chāñdī ke ho ga.e
itnī lahūluhān to pahle fazā na thī
shāyad hamārī āñkhoñ meñ ab zaḳhm ho ga.e
iḳhlās kā muzāhira karne jo aa.e the
'az.har' tamām zehn meñ kāñTe chubho ga.e
is bar un se mil ke juda hum jo ho gae
un ki saheliyon ke bhi aanchal bhigo gae
chaurahon ka to husn baDha shahr ke magar
jo log namwar the wo patthar ke ho gae
sab dekh kar guzar gae ek pal mein aur hum
diwar par bane hue manzar mein kho gae
mujh ko bhi jagne ki aziyyat se de najat
ai raat ab to ghar ke dar-o-baam so gae
kis kis se aur jaane mohabbat jatate hum
achchha hua ki baal ye chandi ke ho gae
itni lahuluhan to pahle faza na thi
shayad hamari aankhon mein ab zaKHm ho gae
iKHlas ka muzahira karne jo aae the
'azhar' tamam zehn mein kanTe chubho gae
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
