hasin rut thi magar iztirab aankhon mein
hasīn rut thī magar iztirāb āñkhoñ meñ
tire ḳhayāl kā utrā 'azāb āñkhoñ meñ
añdherī raat hai tāroñ ko gin rahī huuñ maiñ
na-jāne ā.eñge kab tere ḳhvāb āñkhoñ meñ
nazar nazar se savālāt laakh kar le magar
zamāne vaale na paḌh leñ javāb āñkhoñ meñ
tasavvurāt kī duniyā meñ aa ga.e haiñ vo
masarratoñ ke khile haiñ gulāb āñkhoñ meñ
karo na vā'da tumheñ gar nibhānā ho mushkil
rahoge varna yūñhī aab aab āñkhoñ meñ
chhupā lo āñkhoñ ko ġhairoñ se apnī ai 'mehrū'
jhalak rahā hai tumhārā hijāb āñkhoñ meñ
hasin rut thi magar iztirab aankhon mein
tere KHayal ka utra 'azab aankhon mein
andheri raat hai taron ko gin rahi hun main
na-jaane aaenge kab tere KHwab aankhon mein
nazar nazar se sawalat lakh kar le magar
zamane wale na paDh len jawab aankhon mein
tasawwuraat ki duniya mein aa gae hain wo
masarraton ke khile hain gulab aankhon mein
karo na wa'da tumhein gar nibhana ho mushkil
rahoge warna yunhi aab aab aankhon mein
chhupa lo aankhon ko ghairon se apni ai 'mehru'
jhalak raha hai tumhaara hijab aankhon mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
