apna andaz bhi to sab se juda rakkha hai

apnā andāz bhī to sab se judā rakkhā hai

jab se tū ne mujhe dīvāna banā rakkhā hai

dekhnā chāhte haiñ log tujhe hasrat se

tū nahīñ hai to tirī duniyā meñ kyā rakkhā hai

ham ne zāhir bhī nahīñ hone diyā apnā zuhūr

tum ne bhī ham ko zamāne se chhupā rakkhā hai

ham ne gar yaar ḳhatā kī bhī ta'ajjub kaisā

naam aadam kā ḳhudā ne bhī ḳhatā rakkhā hai

muntazir haiñ ki kabhī lauT bhī saktā hai vo shaḳhs

ham ne dīvār par ik diip jalā rakkhā hai

ye tire chhoḌ ke jaane kā natīja hai ki dost

dasht 'aḳhtar' ne bhī siine se lagā rakkhā hai

apna andaz bhi to sab se juda rakkha hai

jab se tu ne mujhe diwana bana rakkha hai

dekhna chahte hain log tujhe hasrat se

tu nahin hai to teri duniya mein kya rakkha hai

hum ne zahir bhi nahin hone diya apna zuhur

tum ne bhi hum ko zamane se chhupa rakkha hai

hum ne gar yar KHata ki bhi ta'ajjub kaisa

nam aadam ka KHuda ne bhi KHata rakkha hai

muntazir hain ki kabhi lauT bhi sakta hai wo shaKHs

hum ne diwar par ek dip jala rakkha hai

ye tere chhoD ke jaane ka natija hai ki dost

dasht 'aKHtar' ne bhi sine se laga rakkha hai