aankh mein chubhta raha ek KHwab tu
aañkh meñ chubhtā rahā ik ḳhvāb tū
kyā qayāmat ho agar ho rū-ba-rū
phir kabhī kahne ko baiThūñgā ġhazal
dard likhtā huuñ lahū se mū-ba-mū
ham guzāreñ 'umr-e-zebā aap bin
ho rahī hai ab ye un se guftugū
zarra zarra kar ga.ī hai vo mujhe
reza reza chun rahā huuñ chaar sū
huuñ tire paikar se vāqif nāznīñ
bol tū kar duuñ bayāñ maiñ mū-ba-mū
dar-ba-dar rahtā huuñ maiñ bhī shauq se
vo bhī to miltī hai mujh ko kū-ba-kū
un ko to karne lageñ sajde ġhazāl
yuuñ karūñ āġhosh un kī mushk-bū
aap kī ab tak daraḳhshānī javāñ
paḌ chukī hai dhīmī merī aabrū
aankh mein chubhta raha ek KHwab tu
kya qayamat ho agar ho ru-ba-ru
phir kabhi kahne ko baiThunga ghazal
dard likhta hun lahu se mu-ba-mu
hum guzaren 'umr-e-zeba aap bin
ho rahi hai ab ye un se guftugu
zarra zarra kar gai hai wo mujhe
reza reza chun raha hun chaar su
hun tere paikar se waqif naznin
bol tu kar dun bayan main mu-ba-mu
dar-ba-dar rahta hun main bhi shauq se
wo bhi to milti hai mujh ko ku-ba-ku
un ko to karne lagen sajde ghazal
yun karun aaghosh un ki mushk-bu
aap ki ab tak daraKHshani jawan
paD chuki hai dhimi meri aabru
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
