sitam par jo shikayat kar rahe hain
sitam par jo shikāyat kar rahe haiñ
vo tauhīn-e-mohabbat kar rahe haiñ
ḳhudā kā shukr ġhazloñ ke bahāne
ham urdu kī hifāzat kar rahe haiñ
sunā hai āj-kal duniyā meñ andhe
ujāloñ kī tijārat kar rahe haiñ
dil-e-nādāñ zarā hushiyār un se
'ināyat par 'ināyat kar rahe haiñ
tumheñ ġham hai vatan ke chhūTne kā
parinde bhī to hijrat kar rahe haiñ
sitam par jo shikayat kar rahe hain
wo tauhin-e-mohabbat kar rahe hain
KHuda ka shukr ghazlon ke bahane
hum urdu ki hifazat kar rahe hain
suna hai aaj-kal duniya mein andhe
ujalon ki tijarat kar rahe hain
dil-e-nadan zara hushiyar un se
'inayat par 'inayat kar rahe hain
tumhein gham hai watan ke chhuTne ka
parinde bhi to hijrat kar rahe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
