tumhaari shaKHsiyat ke main barabar ho nahin sakta
tumhārī shaḳhsiyat ke maiñ barābar ho nahīñ saktā
ziyāda kī tamannā meñ ye kam bhī kho nahīñ saktā
kisī kī aabrū par gar lage badnāmī ke chhīñTe
koī tadbīr kar lo pāk-dāman ho nahīñ saktā
use mā'lūm hai aañsū anā ko zaḳhm hī deñge
ba-zāhir sang-dil hotā hai zālim ro nahīñ saktā
na de paayā tumheñ maiñ phuul is kā hai gila lekin
tumhārī zindagī meñ ḳhaar bhī to bo nahīñ saktā
mohabbat kī rivāyat kī ḳharābī yā kaho ḳhūbī
nigāheñ niiñd se bojhal hoñ insāñ so nahīñ saktā
tumhaari shaKHsiyat ke main barabar ho nahin sakta
ziyaada ki tamanna mein ye kam bhi kho nahin sakta
kisi ki aabru par gar lage badnami ke chhinTe
koi tadbir kar lo pak-daman ho nahin sakta
use ma'lum hai aansu ana ko zaKHm hi denge
ba-zahir sang-dil hota hai zalim ro nahin sakta
na de paya tumhein main phul is ka hai gila lekin
tumhaari zindagi mein KHar bhi to bo nahin sakta
mohabbat ki riwayat ki KHarabi ya kaho KHubi
nigahen nind se bojhal hon insan so nahin sakta
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
