yun hi zaKHmon ki numaish ku-ba-ku karte raho

yuuñ hī zaḳhmoñ kī numā.ish kū-ba-kū karte raho

jaao apne aap ko be-ābrū karte raho

ik musībat ye hai phir buzdil samajh lete haiñ log

narm lahje meñ bhī kab tak guftugū karte raho

mere zimme to bahut se kaam haiñ maiñ to chalā

tum ne kuchh karnā nahīñ tum hāo-hū karte raho

pahlī Thokar se hī jab ghabrā gaye to jaao phir

ghar meñ baiTho ḳhvāb dekho aarzū karte raho

din meñ sūraj thā to tum ne raat kā sochā nahīñ

ab añdhere meñ diyoñ kī justujū karte raho

āḳhirash phaT jā.egā 'kāshif' libās-e-zindagī

jī rahe ho jab talak us ko rafū karte raho

yun hi zaKHmon ki numaish ku-ba-ku karte raho

jao apne aap ko be-abru karte raho

ek musibat ye hai phir buzdil samajh lete hain log

narm lahje mein bhi kab tak guftugu karte raho

mere zimme to bahut se kaam hain main to chala

tum ne kuchh karna nahin tum hao-hu karte raho

pahli Thokar se hi jab ghabra gaye to jao phir

ghar mein baiTho KHwab dekho aarzu karte raho

din mein suraj tha to tum ne raat ka socha nahin

ab andhere mein diyon ki justuju karte raho

aaKHirash phaT jaega 'kashif' libas-e-zindagi

ji rahe ho jab talak us ko rafu karte raho