aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

humse bhaga na karo dur ghazalon ki tarah

Jan Nisar Akhtar

humse bhaga na karo dur ghazalon ki tarah

Jan Nisar Akhtar

MORE BYJan Nisar Akhtar

    ham se bhāgā na karo duur ġhazāloñ tarah

    ham ne chāhā hai tumheñ chāhne vāloñ tarah

    ḳhud-ba-ḳhud niind āñkhoñ meñ ghulī jaatī hai

    mahkī mahkī hai shab-e-ġham tire bāloñ tarah

    tere bin raat ke hāthoñ pe ye tāroñ ke ayāġh

    ḳhūb-sūrat haiñ magar zahr ke pyāloñ tarah

    aur kyā is se ziyāda koī narmī bartūñ

    dil ke zaḳhmoñ ko chhuā hai tire gāloñ tarah

    gungunāte hue aur aa kabhī un sīnoñ meñ

    terī ḳhātir jo mahakte haiñ shivāloñ tarah

    terī zulfeñ tirī āñkheñ tire abrū tire lab

    ab bhī mash.hūr haiñ duniyā meñ misāloñ tarah

    ham se māyūs na ho ai shab-e-daurāñ ki abhī

    dil meñ kuchh dard chamakte haiñ ujāloñ tarah

    mujh se nazreñ to milāo ki hazāroñ chehre

    merī āñkhoñ meñ sulagte haiñ savāloñ tarah

    aur to mujh ko milā kyā mirī mehnat sila

    chand sikke haiñ mire haath meñ chhāloñ tarah

    justujū ne kisī manzil pe Thaharne na diyā

    ham bhaTakte rahe āvāra ḳhayāloñ tarah

    zindagī jis ko tirā pyaar milā vo jaane

    ham to nākām rahe chāhne vāloñ tarah

    hum se bhaga na karo dur ghazalon ki tarah

    hum ne chaha hai tumhein chahne walon ki tarah

    KHud-ba-KHud nind si aankhon mein ghuli jati hai

    mahki mahki hai shab-e-gham tere baalon ki tarah

    tere bin raat ke hathon pe ye taron ke ayagh

    KHub-surat hain magar zahr ke pyalon ki tarah

    aur kya is se ziyaada koi narmi bartun

    dil ke zaKHmon ko chhua hai tere galon ki tarah

    gungunate hue aur aa kabhi un sinon mein

    teri KHatir jo mahakte hain shiwalon ki tarah

    teri zulfen teri aankhen tere abru tere lab

    ab bhi mashhur hain duniya mein misalon ki tarah

    hum se mayus na ho ai shab-e-dauran ki abhi

    dil mein kuchh dard chamakte hain ujalon ki tarah

    mujh se nazren to milao ki hazaron chehre

    meri aankhon mein sulagte hain sawalon ki tarah

    aur to mujh ko mila kya meri mehnat ka sila

    chand sikke hain mere hath mein chhaalon ki tarah

    justuju ne kisi manzil pe Thaharne na diya

    hum bhaTakte rahe aawara KHayalon ki tarah

    zindagi jis ko tera pyar mila wo jaane

    hum to nakaam rahe chahne walon ki tarah

    Videos
    This video is playing from YouTube

    Videos
    This video is playing from YouTube

    Ghulam Abbas

    Ghulam Abbas

    RECITATIONS

    Nomaan Shauque

    Nomaan Shauque,

    Nomaan Shauque

    humse bhaga na karo dur ghazalon ki tarah Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now