humne DhunDen bhi to DhunDen hain sahaare kaise
ham ne DhūñDeñ bhī to DhūñDeñ haiñ sahāre kaise
in sarāboñ pe koī umr guzāre kaise
haath ko haath nahīñ sūjhe vo tārīkī thī
aa ga.e haath meñ kyā jaane sitāre kaise
har taraf shor usī naam kā hai duniyā meñ
koī us ko jo pukāre to pukāre kaise
dil bujhā jitne the armān sabhī ḳhaak hue
raakh meñ phir ye chamakte haiñ sharāre kaise
na to dam letī hai tū aur na havā thamtī hai
zindagī zulf tirī koī sañvāre kaise
hum ne DhunDen bhi to DhunDen hain sahaare kaise
in sarabon pe koi umr guzare kaise
hath ko hath nahin sujhe wo tariki thi
aa gae hath mein kya jaane sitare kaise
har taraf shor usi nam ka hai duniya mein
koi us ko jo pukare to pukare kaise
dil bujha jitne the arman sabhi KHak hue
rakh mein phir ye chamakte hain sharare kaise
na to dam leti hai tu aur na hawa thamti hai
zindagi zulf teri koi sanware kaise
- Book : Lava (Pg. 23)
- Author : Javed Akhtar
- Publication : Raj Kamal Parkashan (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
