Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

gulon ko chhu ke shamim-e-dua nahin aai

Ada Jafarey

gulon ko chhu ke shamim-e-dua nahin aai

Ada Jafarey

guloñ ko chhū ke shamīm-e-duā nahīñ aa.ī

khulā huā thā darīcha sabā nahīñ aa.ī

havā-e-dasht abhī to junūñ mausam thā

kahāñ the ham tirī āvāz-e-pā nahīñ aa.ī

abhī sahīfa-e-jāñ par raqam bhī kyā hogā

abhī to yaad bhī be-sāḳhta nahīñ aa.ī

ham itnī duur kahāñ the ki phir palaT na sakeñ

savād-e-shahr se koī sadā nahīñ aa.ī

sunā hai dil bhī nagar thā rasā basā bhī thā

jalā to aañch bhī ahl-e-vafā nahīñ aa.ī

na jaane qāfile guzre ki hai qayām abhī

abhī charāġh bujhāne havā nahīñ aa.ī

bas ek baar manāyā thā jashn-e-mahrūmī

phir is ke ba.ad koī ibtilā nahīñ aa.ī

hatheliyoñ ke gulāboñ se ḳhuun ristā rahā

magar vo shoḳhī-e-rañg-e-hinā nahīñ aa.ī

ġhayūr dil se na māñgī ga.ī murād 'adā'

barasne aap kaalī ghaTā nahīñ aa.ī

gulon ko chhu ke shamim-e-dua nahin aai

khula hua tha daricha saba nahin aai

hawa-e-dasht abhi to junun ka mausam tha

kahan the hum teri aawaz-e-pa nahin aai

abhi sahifa-e-jaan par raqam bhi kya hoga

abhi to yaad bhi be-saKHta nahin aai

hum itni dur kahan the ki phir palaT na saken

sawad-e-shahr se koi sada nahin aai

suna hai dil bhi nagar tha rasa basa bhi tha

jala to aanch bhi ahl-e-wafa nahin aai

na jaane qafile guzre ki hai qayam abhi

abhi charagh bujhane hawa nahin aai

bas ek bar manaya tha jashn-e-mahrumi

phir is ke baad koi ibtila nahin aai

hatheliyon ke gulabon se KHun rista raha

magar wo shoKHi-e-rang-e-hina nahin aai

ghayur dil se na mangi gai murad 'ada'

barasne aap hi kali ghaTa nahin aai

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have exhausted your 5 free content pages. Please Log In or Register to become a Rekhta Family member to access the full website.

Speak Now