zindagi mein gham agar aaya nahin
zindagī meñ ġham agar aayā nahīñ
samjho jiine kā hunar aayā nahīñ
kab se hai sūraj safar meñ raat din
aaj tak par us kā ghar aayā nahīñ
shahr se guzrā to vo ghar aa.egā
us kā vā'da thā magar aayā nahīñ
lau bujhī āḳhir sahar bhī ho ga.ī
aane vaalā raat bhar aayā nahīñ
jab milī 'gulshan' achānak raushnī
der tak kuchh bhī nazar aayā nahīñ
zindagi mein gham agar aaya nahin
samjho jine ka hunar aaya nahin
kab se hai suraj safar mein raat din
aaj tak par us ka ghar aaya nahin
shahr se guzra to wo ghar aaega
us ka wa'da tha magar aaya nahin
lau bujhi aaKHir sahar bhi ho gai
aane wala raat bhar aaya nahin
jab mili 'gulshan' achanak raushni
der tak kuchh bhi nazar aaya nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
