karen to kis se dil-e-sogwar ki baaten
kareñ to kis se dil-e-sogvār kī bāteñ
jo tum hī karne lage kār-o-bār kī bāteñ
ye aur baat hai ham ko yaqīñ na aa.e vale
bahut hasīñ haiñ tire e'tibār kī bāteñ
sukūñ mile na mile aao phir bhī kar Dāleñ
barā-e-rāhat-e-yak-dam qarār kī bāteñ
yūñhī bahut haiñ mujhe talḳhiyāñ zamāne kī
karo na lamha-e-nā-ḳhushgavār kī bāteñ
na.ī dhunoñ meñ sunā.eñge raag dil ke ham
ki raas aa na sakīñ baar baar kī bāteñ
karen to kis se dil-e-sogwar ki baaten
jo tum hi karne lage kar-o-bar ki baaten
ye aur baat hai hum ko yaqin na aae wale
bahut hasin hain tere e'tibar ki baaten
sukun mile na mile aao phir bhi kar Dalen
bara-e-rahat-e-yak-dam qarar ki baaten
yunhi bahut hain mujhe talKHiyan zamane ki
karo na lamha-e-na-KHushgawar ki baaten
nai dhunon mein sunaenge rag dil ke hum
ki ras aa na sakin bar bar ki baaten
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
