gham o nashat ki har rahguzar mein tanha hun

ġham o nashāt kī har rahguzar meñ tanhā huuñ

mujhe ḳhabar hai maiñ apne safar meñ tanhā huuñ

mujhī pe sañg-e-malāmat kī bārisheñ hoñgī

ki is dayār meñ shorīda-sar meñ tanhā huuñ

tire ḳhayāl ke jugnū bhī saath chhoḌ ga.e

udaas raat ke suune khañDar meñ tanhā huuñ

girāñ nahīñ hai kisī par ye raat mere sivā

ki mubtalā maiñ umīd-e-sahar meñ tanhā huuñ

na chhoḌ saath mirā in akelī rāhoñ meñ

dil-e-ḳharāb tirā ham-safar maiñ tanhā huuñ

vo be-niyāz ki dekhī ho jaise ik duniyā

mujhe ye naaz maiñ us kī nazar meñ tanhā huuñ

mujhī se kyuuñ hai ḳhafā merā ā.īna 'maḳhmūr'

is andhe shahr meñ kyā ḳhud-nigar maiñ tanhā huuñ

gham o nashat ki har rahguzar mein tanha hun

mujhe KHabar hai main apne safar mein tanha hun

mujhi pe sang-e-malamat ki barishen hongi

ki is dayar mein shorida-sar mein tanha hun

tere KHayal ke jugnu bhi sath chhoD gae

udas raat ke sune khanDar mein tanha hun

giran nahin hai kisi par ye raat mere siwa

ki mubtala main umid-e-sahar mein tanha hun

na chhoD sath mera in akeli rahon mein

dil-e-KHarab tera ham-safar main tanha hun

wo be-niyaz ki dekhi ho jaise ek duniya

mujhe ye naz main us ki nazar mein tanha hun

mujhi se kyun hai KHafa mera aaina 'maKHmur'

is andhe shahr mein kya KHud-nigar main tanha hun