fitne ajab tarah ke saman-zar se uThe

fitne ajab tarah ke saman-zār se uThe

saare parind shāḳh-e-samar-dār se uThe

dīvār ne qubūl kiyā sail-e-nūr ko

saa.e tamām-tar pas-e-dīvār se uThe

jin kī numū meñ thī na muāvin havā koī

aise bhī gul zamīn-e-ḳhas-o-ḳhār se uThe

taslīm kī sarisht bas ījāb aur qubūl

saare savāl jur.at-e-inkār se uThe

shahr-e-ta.alluqāt meñ uḌtī hai jin se ḳhaak

fitne vo sab ra.ūnat-e-pindār se uThe

āñkhoñ ko dekhne kā salīqa jab aa gayā

kitne naqāb chehra-e-asrār se uThe

tasvīr-e-gard ban gayā 'akbar' chaman tamām

kaise ġhubār vādī-e-kohsār se uThe

fitne ajab tarah ke saman-zar se uThe

sare parind shaKH-e-samar-dar se uThe

diwar ne qubul kiya sail-e-nur ko

sae tamam-tar pas-e-diwar se uThe

jin ki numu mein thi na muawin hawa koi

aise bhi gul zamin-e-KHas-o-KHar se uThe

taslim ki sarisht bas ijab aur qubul

sare sawal jurat-e-inkar se uThe

shahr-e-talluqat mein uDti hai jin se KHak

fitne wo sab raunat-e-pindar se uThe

aankhon ko dekhne ka saliqa jab aa gaya

kitne naqab chehra-e-asrar se uThe

taswir-e-gard ban gaya 'akbar' chaman tamam

kaise ghubar wadi-e-kohsar se uThe