faza ka habs shagufon ko bas kya dega

fazā kā habs shagūfoñ ko baas kyā degā

badan-darīda kisī ko libās kyā degā

ye dil ki qahat-e-anā se ġharīb Thahrā hai

mirī zabāñ ko zar-e-iltimās kyā degā

jo de sakā na pahāḌoñ ko barf kī chādar

vo merī bāñjh zamīñ ko kapās kyā degā

ye shahr yuuñ bhī to dahshat bharā nagar hai yahāñ

diloñ kā shor havā ko hirās kyā degā

vo zaḳhm de ke mujhe hausla bhī detā hai

ab is se baḌh ke tabī.at-shanās kyā degā

jo apnī zaat se bāhar na aa sakā ab tak

vo pattharoñ ko matā-e-havās kyā degā

vo mere ashk bujhā.egā kis tarah 'mohsin'

samundaroñ ko vo sahrā kī pyaas kyā degā

faza ka habs shagufon ko bas kya dega

badan-darida kisi ko libas kya dega

ye dil ki qahat-e-ana se gharib Thahra hai

meri zaban ko zar-e-iltimas kya dega

jo de saka na pahaDon ko barf ki chadar

wo meri banjh zamin ko kapas kya dega

ye shahr yun bhi to dahshat bhara nagar hai yahan

dilon ka shor hawa ko hiras kya dega

wo zaKHm de ke mujhe hausla bhi deta hai

ab is se baDh ke tabiat-shanas kya dega

jo apni zat se bahar na aa saka ab tak

wo pattharon ko mata-e-hawas kya dega

wo mere ashk bujhaega kis tarah 'mohsin'

samundaron ko wo sahra ki pyas kya dega