tere KHutut ke purze shumar karte hue
tere ḳhutūt ke purze shumār karte hue
phaphak ke royā maiñ tohfe shumār karte hue
maiñ chāhtā huuñ mire ghar ke paas jangal ho
maiñ din guzārūñ parinde shumār karte hue
bas itnā paḌhnā hai mujh ko ki pass ho jā.ūñ
kitāb paḌhtā huuñ safhe shumār karte hue
maiñ aaj haar kar aayā phir ek aah bharī
purānī jiit ke tamġhe shumār karte hue
hamārī gintī meñ bas vāldain aate haiñ
jahān bhar meñ se apne shumār karte hue
tere KHutut ke purze shumar karte hue
phaphak ke roya main tohfe shumar karte hue
main chahta hun mere ghar ke pas jangal ho
main din guzarun parinde shumar karte hue
bas itna paDhna hai mujh ko ki pass ho jaun
kitab paDhta hun safhe shumar karte hue
main aaj haar kar aaya phir ek aah bhari
purani jit ke tamghe shumar karte hue
hamari ginti mein bas waldain aate hain
jahan bhar mein se apne shumar karte hue
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
