kaise har aan badal jata hai manzar dekho
kaise har aan badal jaatā hai manzar dekho
kis qadar tez havā chaltī hai bāhar dekho
ik nazar hāl-e-dil-e-zār batā saktī hai
aañkh rakhte ho to qatre meñ samundar dekho
kis qadar guuñj hai is raat ke sannāTe meñ
na yaqīñ aa.e to āvāz lagā kar dekho
dil ko be-vaj.h sukūñ milne lagā hai 'mushtāq'
koī shai TuuT rahī hai mire andar dekho
kaise har aan badal jata hai manzar dekho
kis qadar tez hawa chalti hai bahar dekho
ek nazar haal-e-dil-e-zar bata sakti hai
aankh rakhte ho to qatre mein samundar dekho
kis qadar gunj hai is raat ke sannaTe mein
na yaqin aae to aawaz laga kar dekho
dil ko be-wajh sukun milne laga hai 'mushtaq'
koi shai TuT rahi hai mere andar dekho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
