har waqt zamane pe nazar rakkhe hue hain

har vaqt zamāne pe nazar rakkhe hue haiñ

kis haal meñ haiñ dost ḳhabar rakkhe hue haiñ

rātoñ kī siyāhī kā asar kuchh nahīñ un par

vo log jo āñkhoñ meñ sahar rakkhe hue haiñ

tohfe jo mohabbat meñ kabhī tum se mile the

ab tak baḌī tartīb se ghar rakkhe hue haiñ

bedār agar ho bhī ga.e uTh na sakeñge

ham aise hī ik zaanū pe sar rakkhe hue haiñ

murjhā.e hue biit gayā ek zamāna

vo phuul kitāboñ meñ magar rakkhe hue haiñ

ham ne bhī kamā.e haiñ mohabbat ke ḳhazāne

jholī meñ hamārī bhī guhar rakkhe hue haiñ

dīdār kī ḳhvāhish meñ har ik vaqt hī 'najmī'

ham us ke darīche pe nazar rakkhe hue haiñ

har waqt zamane pe nazar rakkhe hue hain

kis haal mein hain dost KHabar rakkhe hue hain

raaton ki siyahi ka asar kuchh nahin un par

wo log jo aankhon mein sahar rakkhe hue hain

tohfe jo mohabbat mein kabhi tum se mile the

ab tak baDi tartib se ghar rakkhe hue hain

bedar agar ho bhi gae uTh na sakenge

hum aise hi ek zanu pe sar rakkhe hue hain

murjhae hue bit gaya ek zamana

wo phul kitabon mein magar rakkhe hue hain

hum ne bhi kamae hain mohabbat ke KHazane

jholi mein hamari bhi guhar rakkhe hue hain

didar ki KHwahish mein har ek waqt hi 'najmi'

hum us ke dariche pe nazar rakkhe hue hain