de aankh aankh mein surat meri dikhai mujhe

de aañkh aañkh meñ sūrat mirī dikhā.ī mujhe

bhañvar bhañvar liye phirtī hai ḳhud-numā.ī mujhe

nazar meñ nit na.e zaḳhmoñ ke zā.iqe mahkeñ

huī hai jab se mayassar barahna-pā.ī mujhe

ghirā hai kaun musāfir ragoñ ke jangal meñ

badan meñ detī hai kis kī sadā sunā.ī mujhe

guzarte abr kā saaya hai chīthḌe kī tarah

barahna khet lageñ kāsa-e-gadā.ī mujhe

maiñ āsmāñ kī taraf jab bhī haath phailā.ūñ

zamīn dene lage tā’n-e-bevafā.ī mujhe

matā'-e-zīst hai 'razmī' vo dāġh-e-mahjūrī

diyā hai jis ne shu’ūr-e-ġhazal-sarā.ī mujhe

de aankh aankh mein surat meri dikhai mujhe

bhanwar bhanwar liye phirti hai KHud-numai mujhe

nazar mein nit nae zaKHmon ke zaiqe mahken

hui hai jab se mayassar barahna-pai mujhe

ghira hai kaun musafir ragon ke jangal mein

badan mein deti hai kis ki sada sunai mujhe

guzarte abr ka saya hai chithDe ki tarah

barahna khet lagen kasa-e-gadai mujhe

main aasman ki taraf jab bhi hath phailaun

zamin dene lage ta’n-e-bewafai mujhe

mata'-e-zist hai 'razmi' wo dagh-e-mahjuri

diya hai jis ne shu’ur-e-ghazal-sarai mujhe