tu ibaadat zaban se karta hai
tū 'ibādat zabāñ se kartā hai
dil 'ibādat fuġhāñ se kartā hai
be-hisī hāsil-e-murād tirī
baat tū kis gumāñ se kartā hai
mujh ko tā'līm de rahā hai tū
baat merī zabāñ se kartā hai
terī duniyā hī diin hai terā
faisla be-nishāñ se kartā hai
ye mujassam hī saif-e-qāte' hai
mashġhala be-zabāñ se kartā hai
terī hastī kā raaz hai paisa
sāmnā nīstāñ se kartā hai
kyā batā.ūñ ki kaun hai 'vāsif'
baat kis ke jahāñ se kartā hai
tu 'ibaadat zaban se karta hai
dil 'ibaadat fughan se karta hai
be-hisi hasil-e-murad teri
baat tu kis guman se karta hai
mujh ko ta'lim de raha hai tu
baat meri zaban se karta hai
teri duniya hi din hai tera
faisla be-nishan se karta hai
ye mujassam hi saif-e-qate' hai
mashghala be-zaban se karta hai
teri hasti ka raaz hai paisa
samna nistan se karta hai
kya bataun ki kaun hai 'wasif'
baat kis ke jahan se karta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
