hasin duniya ki chaalon mein na ab phir se main aaunga

hasīñ duniyā kī chāloñ meñ na ab phir se maiñ ā.ūñgā

kisī vīrān goshe meñ hī apnā ghar banā.ūñgā

Tahaltā phir rahā huuñ raat ko ā.īna-ḳhānoñ meñ

ki āñkhoñ meñ kisī ke ḳhvāb ab maiñ rakh na pā.ūñgā

tirī dīda-dilerī hai ki tū sab le gayā apnā

mirā dil tanhā chhoḌā hai ise kaise manā.ūñgā

tire paikar kī hai tasvīr āñkhoñ meñ basī kuchh yuuñ

jo tū bole binā dekhe maiñ ḳhāl-o-ḳhad banā.ūñgā

nibhātā aa rahā thā maiñ par ab aisā nahīñ hogā

jahāñ tak tum nibhāoge vahīñ tak maiñ nibhā.ūñgā

hasin duniya ki chaalon mein na ab phir se main aaunga

kisi viran goshe mein hi apna ghar banaunga

Tahalta phir raha hun raat ko aaina-KHanon mein

ki aankhon mein kisi ke KHwab ab main rakh na paunga

teri dida-dileri hai ki tu sab le gaya apna

mera dil tanha chhoDa hai ise kaise manaunga

tere paikar ki hai taswir aankhon mein basi kuchh yun

jo tu bole bina dekhe main KHal-o-KHad banaunga

nibhata aa raha tha main par ab aisa nahin hoga

jahan tak tum nibhaoge wahin tak main nibhaunga