dekh li duniya teri maine nawazish dekh li

dekh lī duniyā tirī maiñ ne navāzish dekh lī

merī barbādī meñ kyā hai terī kāvish dekh lī

terī daulat shān-o-shaukat tere kaam aa.ī nahīñ

maut se bachne kī tū ne kar ke koshish dekh lī

'ishq kā matlab samajh paayā nahīñ tū aaj tak

bad-havas insān maiñ ne terī ḳhvāhish dekh lī

uTh gayā duniyā se jaise parda-dārī kā chalan

har taraf āñkhoñ ne jismoñ kī numā.ish dekh lī

koshis-e-iḳhfā-e-rāz-e-'ishq mumkin hī nahīñ

maiñ ne us ke sāmne kar ke ye koshish dekh lī

ab to bas ye dekhnā hai kyā dikhātī hai qazā

zindagī meñ zindagī kī saarī sāzish dekh lī

zar zamīñ jorū kī ḳhātir har zamāne meñ 'kabīr'

ek maañ ke ham ne do beToñ meñ ranjish dekh lī

dekh li duniya teri main ne nawazish dekh li

meri barbaadi mein kya hai teri kawish dekh li

teri daulat shan-o-shaukat tere kaam aai nahin

maut se bachne ki tu ne kar ke koshish dekh li

'ishq ka matlab samajh paya nahin tu aaj tak

bad-hawas insan main ne teri KHwahish dekh li

uTh gaya duniya se jaise parda-dari ka chalan

har taraf aankhon ne jismon ki numaish dekh li

koshis-e-iKHfa-e-raaz-e-'ishq mumkin hi nahin

main ne us ke samne kar ke ye koshish dekh li

ab to bas ye dekhna hai kya dikhati hai qaza

zindagi mein zindagi ki sari sazish dekh li

zar zamin joru ki KHatir har zamane mein 'kabir'

ek man ke hum ne do beTon mein ranjish dekh li