ahl-e-duniya ke kisi kaam mein aao jao

ahl-e-duniyā ke kisī kaam meñ aao jaao

daulat-e-'ishq agar hai to luTāo jaao

baat bantī nahīñ jab baat banāo jaao

apne lahje meñ nayā-pan koī laao jaao

dasht-o-sahrā meñ liye vahshat-e-dil aa.e ho

tum bhī majnūñ kī tarah ḳhaak uḌaao jaao

rind kī tarh sar-e-mai-kada aayā saaqī

maiñ huuñ tishna mujhe do ghūñT pilāo jaao

tum jo chāho to añdheroñ ko miTā sakte ho

rāh-gīroñ ke liye diip jalāo jaao

ham ne barsoñ kī mashaqqat se sajā rakkhā hai

ḳhāna-e-dil hai tumhāre liye aao jaao

ahl-e-duniya ke kisi kaam mein aao jao

daulat-e-'ishq agar hai to luTao jao

baat banti nahin jab baat banao jao

apne lahje mein naya-pan koi lao jao

dasht-o-sahra mein liye wahshat-e-dil aae ho

tum bhi majnun ki tarah KHak uDao jao

rind ki tarh sar-e-mai-kada aaya saqi

main hun tishna mujhe do ghunT pilao jao

tum jo chaho to andheron ko miTa sakte ho

rah-giron ke liye dip jalao jao

hum ne barson ki mashaqqat se saja rakkha hai

KHana-e-dil hai tumhaare liye aao jao