waraq-e-intiKHab dil mein hai

varaq-e-intiḳhāb dil meñ hai

ek taaza kitāb dil meñ hai

kis ko dikhlā.ūñ apne jī kā haal

raushan ik āftāb dil meñ hai

raushnī hai usī ke chehre kī

vo jo ik māhtāb dil meñ hai

band āñkhoñ meñ ek aalam hai

kisī manzar kā ḳhvāb dil meñ hai

sab hī siine meñ ho rahā hai 'zahīr'

dard kī kā.enāt dil meñ hai

waraq-e-intiKHab dil mein hai

ek taza kitab dil mein hai

kis ko dikhlaun apne ji ka haal

raushan ek aaftab dil mein hai

raushni hai usi ke chehre ki

wo jo ek mahtab dil mein hai

band aankhon mein ek aalam hai

kisi manzar ka KHwab dil mein hai

sab hi sine mein ho raha hai 'zahir'

dard ki kaenat dil mein hai