tamanna-e-dil-e-bismil na badle
tamannā-e-dil-e-bismil na badle
nazar badle to badle dil na badle
ye maanā raushnī dhīmī bahut hai
magar ye raunaq-e-mahfil na badle
talab sādiq vafā dar-dil salāmat
badalne do jahāñ ko dil na badle
vo ab mere liye betāb se haiñ
ye merī 'umr kā hāsil na badle
vahī qaumeñ baqā paatī haiñ 'hindī'
ki jin kā 'azm-e-mustaqbil na badle
tamanna-e-dil-e-bismil na badle
nazar badle to badle dil na badle
ye mana raushni dhimi bahut hai
magar ye raunaq-e-mahfil na badle
talab sadiq wafa dar-dil salamat
badalne do jahan ko dil na badle
wo ab mere liye betab se hain
ye meri 'umr ka hasil na badle
wahi qaumen baqa pati hain 'hindi'
ki jin ka 'azm-e-mustaqbil na badle
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
