lab-e-baam wo muskurana kisi ka

lab-e-bām vo muskurānā kisī kā

mire dil pe bijlī girānā kisī kā

ta'ajjub hai pahlū se kyā ho gayā dil

na aanā kisī kā na jaanā kisī kā

sabhī man' karte the 'ishq-e-butāñ se

magar ham ne kahnā na maanā kisī kā

sunā shikva-e-hijr phir hañs ke bole

nahīñ ham haiñ sunte fasānā kisī kā

vo shoḳhī ġhazab kī laḌak-pan kī bāteñ

hameñ yaad hai vo zamāna kisī kā

vo ḳhāmosh baiThe haiñ kyuuñ sar jhukā.e

ḳhayāl aa gayā dil dukhānā kisī kā

vo ghar ġhair ke roz jaate haiñ 'bismil'

muāfiq hai aisā zamāna kisī kā

lab-e-baam wo muskurana kisi ka

mere dil pe bijli girana kisi ka

ta'ajjub hai pahlu se kya ho gaya dil

na aana kisi ka na jaana kisi ka

sabhi man' karte the 'ishq-e-butan se

magar hum ne kahna na mana kisi ka

suna shikwa-e-hijr phir hans ke bole

nahin hum hain sunte fasana kisi ka

wo shoKHi ghazab ki laDak-pan ki baaten

hamein yaad hai wo zamana kisi ka

wo KHamosh baiThe hain kyun sar jhukae

KHayal aa gaya dil dukhana kisi ka

wo ghar ghair ke roz jate hain 'bismil'

muafiq hai aisa zamana kisi ka