dil mein us shoKH ke jo rah na ki

dil meñ us shoḳh ke jo raah na kī

ham ne bhī jaan dī par aah na kī

parda-poshī zarūr thī ai charḳh

kyuuñ shab-e-bul-havas siyāh na kī

tishna-lab aise ham gire mai par

ki kabhī sair-e-īd-gāh na kī

us ko dushman se kyā bachā.e vo charḳh

jis ne tadbīr-e-ḳhasf-e-māh na kī

kaun aisā ki us se pūchhe kyuuñ

pursish-e-hāl dād-ḳhvāh na kī

thā bahut shauq-e-vasl tū ne to

kamī ai husn tāb-gāh na kī

ishq meñ kaam kuchh nahīñ aatā

gar na kī hirs-o-māl-o-jāh na kī

tāb-e-kam-zarf ko kahāñ tum ne

dushmanī kī adū se chaah na kī

maiñ bhī kuchh ḳhush nahīñ vafā kar ke

tum ne achchhā kiyā nibāh na kī

mohtasib ye sitam ġharīboñ par

kabhī tambīh-e-bādshāh na kī

girya-o-āh be-asar donoñ

kis ne kashtī mirī tabāh na kī

thā muqaddar maiñ us se kam milnā

kyuuñ mulāqāt gaah gaah na kī

dekh dushman ko uTh gayā be-dīd

mere ahvāl par nigāh na kī

'momin' is zehn-e-be-ḳhatā par haif

fikr-e-āmurzish-e-gunāh na kī

dil mein us shoKH ke jo rah na ki

hum ne bhi jaan di par aah na ki

parda-poshi zarur thi ai charKH

kyun shab-e-bul-hawas siyah na ki

tishna-lab aise hum gire mai par

ki kabhi sair-e-id-gah na ki

us ko dushman se kya bachae wo charKH

jis ne tadbir-e-KHasf-e-mah na ki

kaun aisa ki us se puchhe kyun

pursish-e-haal dad-KHwah na ki

tha bahut shauq-e-wasl tu ne to

kami ai husn tab-gah na ki

ishq mein kaam kuchh nahin aata

gar na ki hirs-o-mal-o-jah na ki

tab-e-kam-zarf ko kahan tum ne

dushmani ki adu se chah na ki

main bhi kuchh KHush nahin wafa kar ke

tum ne achchha kiya nibah na ki

mohtasib ye sitam gharibon par

kabhi tambih-e-baadshah na ki

girya-o-ah be-asar donon

kis ne kashti meri tabah na ki

tha muqaddar main us se kam milna

kyun mulaqat gah gah na ki

dekh dushman ko uTh gaya be-did

mere ahwal par nigah na ki

'momin' is zehn-e-be-KHata par haif

fikr-e-amurzish-e-gunah na ki