dil ki bisat kya thi nigah-e-jamal mein
dil kī bisāt kyā thī nigāh-e-jamāl meñ
ik ā.īna thā TuuT gayā dekh-bhāl meñ
duniyā kare talāsh nayā jām-e-jam koī
us kī jagah nahīñ mire jām-e-sifāl meñ
āzurda is qadar huuñ sarāb-e-ḳhayāl se
jī chāhtā hai tum bhī na aao ḳhayāl meñ
duniyā hai ḳhvāb hāsil-e-duniyā ḳhayāl hai
insān ḳhvāb dekh rahā hai ḳhayāl meñ
ahl-e-chaman hameñ na asīroñ kā ta.an deñ
vo ḳhush haiñ apne haal meñ aham apnī chaal meñ
'sīmāb' ijtihād hai husn-e-talab mirā
tarmīm chāhtā huuñ mazāq-e-jamāl meñ
dil ki bisat kya thi nigah-e-jamal mein
ek aaina tha TuT gaya dekh-bhaal mein
duniya kare talash naya jam-e-jam koi
us ki jagah nahin mere jam-e-sifal mein
aazurda is qadar hun sarab-e-KHayal se
ji chahta hai tum bhi na aao KHayal mein
duniya hai KHwab hasil-e-duniya KHayal hai
insan KHwab dekh raha hai KHayal mein
ahl-e-chaman hamein na asiron ka tan den
wo KHush hain apne haal mein aham apni chaal mein
'simab' ijtihad hai husn-e-talab mera
tarmim chahta hun mazaq-e-jamal mein
- Book : Karwaan-e-Ghazal (Pg. 44)
- Author : Farooq Argali
- Publication : Farid Book Depot (Pvt.) Ltd (2004)
- Edition : 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
