dil ke kahne pe chalun aql ka kahna na karun
dil ke kahne pe chalūñ aql kā kahnā na karūñ
maiñ isī soch meñ huuñ kyā karūñ aur kyā na karūñ
zindagī apnī kisī tarah basar karnā hai
kyā karūñ aah agar terī tamannā na karūñ
majlis-e-vāz meñ kyā merī zarūrat nāseh
ghar meñ baiThā huā shuġhl-e-mai-o-mīnā na karūñ
mast hai haal meñ dil be-ḳhabar-e-mustaqbil
sochtā huuñ use hushyār karūñ yā na karūñ
kis tarah husn-e-zabāñ kī ho taraqqī 'vahshat'
maiñ agar ḳhidmat-e-urdu-e-muallā na karūñ
dil ke kahne pe chalun aql ka kahna na karun
main isi soch mein hun kya karun aur kya na karun
zindagi apni kisi tarah basar karna hai
kya karun aah agar teri tamanna na karun
majlis-e-waz mein kya meri zarurat naseh
ghar mein baiTha hua shughl-e-mai-o-mina na karun
mast hai haal mein dil be-KHabar-e-mustaqbil
sochta hun use hushyar karun ya na karun
kis tarah husn-e-zaban ki ho taraqqi 'wahshat'
main agar KHidmat-e-urdu-e-mualla na karun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
