dil gaya raunaq-e-hayat gai

dil gayā raunaq-e-hayāt ga.ī

ġham gayā saarī kā.enāt ga.ī

dil dhaḌakte hī phir ga.ī vo nazar

lab tak aa.ī na thī ki baat ga.ī

din kā kyā zikr tīra-baḳhtoñ meñ

ek raat aa.ī ek raat ga.ī

terī bātoñ se aaj to vaa.iz

vo jo thī ḳhvāhish-e-najāt ga.ī

un ke bahlā.e bhī na bahlā dil

rā.egāñ sa.ī-e-iltifāt ga.ī

marg-e-āshiq to kuchh nahīñ lekin

ik masīhā-nafas kī baat ga.ī

ab junūñ aap hai garebāñ-gīr

ab vo rasm-e-takallufāt ga.ī

ham ne bhī vaz-e-ġham badal Daalī

jab se vo tarz-e-iltifāt ga.ī

tark-e-ulfat bahut bajā nāseh

lekin us tak agar ye baat ga.ī

haañ maze luuT le javānī ke

phir na aa.egī ye jo raat ga.ī

haañ ye sarshāriyāñ javānī kī

aañkh jhapkī hī thī ki raat ga.ī

jalva-e-zāt ai ma.āz-allāh

tāb-e-ā.īna-e-sifāt ga.ī

nahīñ miltā mizāj-e-dil ham se

ġhāliban duur tak ye baat ga.ī

qaid-e-hastī se kab najāt 'jigar'

maut aa.ī agar hayāt ga.ī

dil gaya raunaq-e-hayat gai

gham gaya sari kaenat gai

dil dhaDakte hi phir gai wo nazar

lab tak aai na thi ki baat gai

din ka kya zikr tira-baKHton mein

ek raat aai ek raat gai

teri baaton se aaj to waiz

wo jo thi KHwahish-e-najat gai

un ke bahlae bhi na bahla dil

raegan sai-e-iltifat gai

marg-e-ashiq to kuchh nahin lekin

ek masiha-nafas ki baat gai

ab junun aap hai gareban-gir

ab wo rasm-e-takallufat gai

hum ne bhi waz-e-gham badal Dali

jab se wo tarz-e-iltifat gai

tark-e-ulfat bahut baja naseh

lekin us tak agar ye baat gai

han maze luT le jawani ke

phir na aaegi ye jo raat gai

han ye sarshaariyan jawani ki

aankh jhapki hi thi ki raat gai

jalwa-e-zat ai maaz-allah

tab-e-aina-e-sifat gai

nahin milta mizaj-e-dil hum se

ghaaliban dur tak ye baat gai

qaid-e-hasti se kab najat 'jigar'

maut aai agar hayat gai