dhup mein saya bane tanha khaDe hote hain
dhuup meñ saayā bane tanhā khaḌe hote haiñ
baḌe logoñ ke ḳhasāre bhī baḌe hote haiñ
ek hī vaqt meñ pyāse bhī haiñ sairāb bhī haiñ
ham jo sahrāoñ kī miTTī ke ghaḌe hote haiñ
aañkh khulte hī jabīñ chūmne aa jaate haiñ
ham agar ḳhvāb meñ bhī tum se laḌe hote haiñ
ye jo rahte haiñ bahut mauj meñ shab bhar ham log
sub.h hote hī kināre pe paḌe hote haiñ
hijr dīvār kā āzār to hai hī lekin
is ke uupar bhī ka.ī kāñch jaḌe hote haiñ
dhup mein saya bane tanha khaDe hote hain
baDe logon ke KHasare bhi baDe hote hain
ek hi waqt mein pyase bhi hain sairab bhi hain
hum jo sahraon ki miTTi ke ghaDe hote hain
aankh khulte hi jabin chumne aa jate hain
hum agar KHwab mein bhi tum se laDe hote hain
ye jo rahte hain bahut mauj mein shab bhar hum log
subh hote hi kinare pe paDe hote hain
hijr diwar ka aazar to hai hi lekin
is ke upar bhi kai kanch jaDe hote hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
