fikr mein Dube dukan-dar pe dukh hota hai
fikr meñ Duube dukāñ-dār pe dukh hotā hai
mujh ko vīrānī-e-bāzār pe dukh hotā hai
mujh se laḌte hue bhaa.ī nahīñ dekhe jaate
ghar meñ uThtī huī dīvār pe dukh hotā hai
jo musībat meñ paḌe shaḳhs pe hañs dete haiñ
un ke girte hue me'yār pe dukh hotā hai
ai mire dost guzārish hai mire sāmne aa
tere pīchhe se kiye vaar pe dukh hotā hai
jin meñ tahzīb-o-adab kā na rakhā jaa.e ḳhayāl
aise naġhmāt pe ash'ār pe dukh hotā hai
jis kī imdād dikhāve ke liye hotī hai
'monikā' aise madad-gār pe dukh hotā hai
fikr mein Dube dukan-dar pe dukh hota hai
mujh ko virani-e-bazar pe dukh hota hai
mujh se laDte hue bhai nahin dekhe jate
ghar mein uThti hui diwar pe dukh hota hai
jo musibat mein paDe shaKHs pe hans dete hain
un ke girte hue me'yar pe dukh hota hai
ai mere dost guzarish hai mere samne aa
tere pichhe se kiye war pe dukh hota hai
jin mein tahzib-o-adab ka na rakha jae KHayal
aise naghmat pe ash'ar pe dukh hota hai
jis ki imdad dikhawe ke liye hoti hai
'monika' aise madad-gar pe dukh hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.