pahle wo aaftab se begana ho gaya
pahle vo āftāb se begāna ho gayā
phir muzmahil charāġh kā dīvāna ho gayā
kāshāna-e-hayāt se bujhne lagā charāġh
Tuk dekhte hī dekhte vīrāna ho gayā
ai pāsbān-e-'aql-o-ḳhirad kyā ḳhabar tujhe
kyuuñ dil kisī ke pyaar meñ dīvāna ho gayā
ḳhud apne dil jigar ko jalāyā tamām shab
maiñ apnī zaat ke liye parvāna ho gayā
jām-o-subū se kaisī ġharaz dil to ai ġhazāl
terī nigāh-e-nāz kā mastāna ho gayā
pahlī nazar meñ merī nazar sar-ba-ḳham huī
dahlīz par hī sajda-e-shukrāna ho gayā
pahle wo aaftab se begana ho gaya
phir muzmahil charagh ka diwana ho gaya
kashana-e-hayat se bujhne laga charagh
Tuk dekhte hi dekhte virana ho gaya
ai pasban-e-'aql-o-KHirad kya KHabar tujhe
kyun dil kisi ke pyar mein diwana ho gaya
KHud apne dil jigar ko jalaya tamam shab
main apni zat ke liye parwana ho gaya
jam-o-subu se kaisi gharaz dil to ai ghazal
teri nigah-e-naz ka mastana ho gaya
pahli nazar mein meri nazar sar-ba-KHam hui
dahliz par hi sajda-e-shukrana ho gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
