kahan tak waqt ke dariya ko hum Thahra hua dekhen
kahāñ tak vaqt ke dariyā ko ham Thahrā huā dekheñ
ye hasrat hai ki in āñkhoñ se kuchh hotā huā dekheñ
bahut muddat huī ye aarzū karte hue ham ko
kabhī manzar kahīñ ham koī an-dekhā huā dekheñ
sukūt-e-shām se pahle kī manzil saḳht hotī hai
kaho logoñ se sūraj ko na yuuñ Dhaltā huā dekheñ
havā.eñ bādbāñ kholīñ lahū-āsār bārish ho
zamīn-e-saḳht tujh ko phūltā-phaltā huā dekheñ
dhueñ ke bādaloñ meñ chhup ga.e ujle makāñ saare
ye chāhā thā ki manzar shahr kā badlā huā dekheñ
hamārī be-hisī pe rone vaalā bhī nahīñ koī
chalo jaldī chalo phir shahr ko jaltā huā dekheñ
kahan tak waqt ke dariya ko hum Thahra hua dekhen
ye hasrat hai ki in aankhon se kuchh hota hua dekhen
bahut muddat hui ye aarzu karte hue hum ko
kabhi manzar kahin hum koi an-dekha hua dekhen
sukut-e-sham se pahle ki manzil saKHt hoti hai
kaho logon se suraj ko na yun Dhalta hua dekhen
hawaen baadban kholin lahu-asar barish ho
zamin-e-saKHt tujh ko phulta-phalta hua dekhen
dhuen ke baadalon mein chhup gae ujle makan sare
ye chaha tha ki manzar shahr ka badla hua dekhen
hamari be-hisi pe rone wala bhi nahin koi
chalo jaldi chalo phir shahr ko jalta hua dekhen
- Book : sooraj ko nikalta dekhoon (Pg. 354)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
