gham-ha-e-mohabbat ka asar dekh raha hun

ġham-hā-e-mohabbat kā asar dekh rahā huuñ

bikhre hue dāman pe guhar dekh rahā huuñ

ai husn-e-ruḳh-e-yār jidhar dekh rahā huuñ

ik hasb-e-taḳhayyul o nazar dekh rahā huuñ

ik nuur kī duniyā hai mirī shauq kī manzil

har zarre ko ḳhurshīd-e-nazar dekh rahā huuñ

tum aur abhī husn ke pardoñ ko uThāo

maiñ aaj had-e-tāb-e-nazar dekh rahā huuñ

har aah sharar-ḳhez hai murġhān-e-qafas kī

dāmān-e-fuġhāñ sho.ala-asar dekh rahā huuñ

yuuñ kākul-o-ruḳh apne tasavvur meñ haiñ 'jumbish'

ik marhala-e-shām-o-sahar dekh rahā huuñ

gham-ha-e-mohabbat ka asar dekh raha hun

bikhre hue daman pe guhar dekh raha hun

ai husn-e-ruKH-e-yar jidhar dekh raha hun

ek hasb-e-taKHayyul o nazar dekh raha hun

ek nur ki duniya hai meri shauq ki manzil

har zarre ko KHurshid-e-nazar dekh raha hun

tum aur abhi husn ke pardon ko uThao

main aaj had-e-tab-e-nazar dekh raha hun

har aah sharar-KHez hai murghan-e-qafas ki

daman-e-fughan shoala-asar dekh raha hun

yun kakul-o-ruKH apne tasawwur mein hain 'jumbish'

ek marhala-e-sham-o-sahar dekh raha hun