dariya-e-shab ke par utare mujhe koi
dariyā-e-shab ke paar utāre mujhe koī
tanhā.ī Das rahī hai pukāre mujhe koī
go jāntā huuñ sab hī nishāne pe haiñ yahāñ
pāgal huuñ chāhtā huuñ na maare mujhe koī
muTThī sadaf ne bheñch rakhī hai ki chhū ke dekh
motī pukārtā hai ubhāre mujhe koī
kāñToñ meñ rakh ke phuul havā meñ uḌā ke ḳhaak
kartā hai sau tarah se ishāre mujhe koī
ab tak to ḳhud-kushī kā irāda nahīñ kiyā
miltā hai kyuuñ nadī ke kināre mujhe koī
bikhrā huā huuñ vaqt ke shāne pe gard sā
ik zulf-e-pur-shikan huuñ sañvāre mujhe koī
dariya-e-shab ke par utare mujhe koi
tanhai Das rahi hai pukare mujhe koi
go jaanta hun sab hi nishane pe hain yahan
pagal hun chahta hun na mare mujhe koi
muTThi sadaf ne bhench rakhi hai ki chhu ke dekh
moti pukarta hai ubhaare mujhe koi
kanTon mein rakh ke phul hawa mein uDa ke KHak
karta hai sau tarah se ishaare mujhe koi
ab tak to KHud-kushi ka irada nahin kiya
milta hai kyun nadi ke kinare mujhe koi
bikhra hua hun waqt ke shane pe gard sa
ek zulf-e-pur-shikan hun sanware mujhe koi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
