KHud se milne ka mere pas bahana hi nahin

ḳhud se milne kā mire paas bahāna hī nahīñ

dil meñ ab koī diyā koī sharāra hī nahīñ

kaise kaisoñ ko ḳhudā detā hai shohrat dekho

jin ke siine meñ koī ḳhvāhish-e-duniyā hī nahīñ

ham to terī hī rafāqat meñ sanam jiite haiñ

terī sūrat ke sivā koī nazāra hī nahīñ

terī furqat kī qasam aur tirī chāhat kī qasam

terī yādoñ ko kabhī ham ne bhulāyā hī nahīñ

tū akelā hī chalā rāh-e-malāmat pe magar

pyaar se tū ne kabhī ham ko pukārā hī nahīñ

KHud se milne ka mere pas bahana hi nahin

dil mein ab koi diya koi sharara hi nahin

kaise kaison ko KHuda deta hai shohrat dekho

jin ke sine mein koi KHwahish-e-duniya hi nahin

hum to teri hi rafaqat mein sanam jite hain

teri surat ke siwa koi nazara hi nahin

teri furqat ki qasam aur teri chahat ki qasam

teri yaadon ko kabhi hum ne bhulaya hi nahin

tu akela hi chala rah-e-malamat pe magar

pyar se tu ne kabhi hum ko pukara hi nahin