jis baat ka kare hai dil iqrar subh-o-sham

jis baat kā kare hai dil iqrār sub.h-o-shām

lab par musalsal us kā hai inkār sub.h-o-shām

ham yaad se tirī haiñ ḳhabar-dār sub.h-o-shām

dil phir bhī hai tirā hī talabgār sub.h-o-shām

chaltī nahīñ hai saañs nikaltī nahīñ hai jaan

apne liye to ziist hai āzār sub.h-o-shām

chhāyā hai ham pe koī 'ajab sā junūn-e-yār

karte haiñ apne aap se guftār sub.h-o-shām

gherā hai mujh ko zo'f ne 'ahd-e-shabāb meñ

rahtā huuñ muddatoñ se maiñ bīmār sub.h-o-shām

āñkhoñ ke gird halqoñ kā mere sabab na pūchh

rahtā huuñ ġham meñ us ke maiñ bedār sub.h-o-shām

hotā hai vajh is kī 'mudassir' mu'āshra

rahtā nahīñ koī yūñhī bezār sub.h-o-shām

jis baat ka kare hai dil iqrar subh-o-sham

lab par musalsal us ka hai inkar subh-o-sham

hum yaad se teri hain KHabar-dar subh-o-sham

dil phir bhi hai tera hi talabgar subh-o-sham

chalti nahin hai sans nikalti nahin hai jaan

apne liye to zist hai aazar subh-o-sham

chhaya hai hum pe koi 'ajab sa junun-e-yar

karte hain apne aap se guftar subh-o-sham

ghera hai mujh ko zo'f ne 'ahd-e-shabab mein

rahta hun muddaton se main bimar subh-o-sham

aankhon ke gird halqon ka mere sabab na puchh

rahta hun gham mein us ke main bedar subh-o-sham

hota hai wajh is ki 'mudassir' mu'ashra

rahta nahin koi yunhi bezar subh-o-sham