chhupa hun main sada-e-bansuli mein

chhupā huuñ maiñ sadā-e-bāñsulī meñ

ki tā jā.ūñ parī-rū kī galī meñ

na thī tāqat mujhe aane kī lekin

ba-zor-e-āh pahuñchā tujh galī meñ

'ayāñ hai rang kī shoḳhī suuñ ai shoḳh

badan terā qabā-e-sandalī meñ

jo hai tere dahan meñ rang o ḳhūbī

kahāñ ye rang ye ḳhūbī kalī meñ

kiyā jiyūñ lafz meñ mā'nī sirījan

maqām apnā dil-o-jān-e-'valī' meñ

chhupa hun main sada-e-bansuli mein

ki ta jaun pari-ru ki gali mein

na thi taqat mujhe aane ki lekin

ba-zor-e-ah pahuncha tujh gali mein

'ayan hai rang ki shoKHi sun ai shoKH

badan tera qaba-e-sandali mein

jo hai tere dahan mein rang o KHubi

kahan ye rang ye KHubi kali mein

kiya jiyun lafz mein ma'ni sirijan

maqam apna dil-o-jaan-e-'wali' mein