thoDi aadam ke gunahon ki saza aur sahi
thoḌī aadam ke gunāhoñ kī sazā aur sahī
ek 'ālam to kahīñ par tū basā aur sahī
ham se to us but-e-kāfir kā na saudā jaa.e
tere kā'be ke muqaddar meñ ḳhudā aur sahī
raat palkoñ pe diye kaun jalā detā hai
aur charāġhoñ se ye kahtī hai havā aur sahī
aur kuchh shoḳh zarā rang to ho lene de
us ke nāḳhun ko banā zaḳhm-kushā aur sahī
qais-o-farhād kī ab raah to pāmāl huī
pā-e-sar-kash kā koī rāh-numā aur sahī
thoDi aadam ke gunahon ki saza aur sahi
ek 'alam to kahin par tu basa aur sahi
hum se to us but-e-kafir ka na sauda jae
tere ka'be ke muqaddar mein KHuda aur sahi
raat palkon pe diye kaun jala deta hai
aur charaghon se ye kahti hai hawa aur sahi
aur kuchh shoKH zara rang to ho lene de
us ke naKHun ko bana zaKHm-kusha aur sahi
qais-o-farhad ki ab rah to pamal hui
pa-e-sar-kash ka koi rah-numa aur sahi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
