bulandi se kabhi wo aashnai kar nahin sakta

bulandī se kabhī vo āshnā.ī kar nahīñ saktā

jo tere āstāne kī gadā.ī kar nahīñ saktā

zabāñ rakhte hue bhī lab-kushā.ī kar nahīñ saktā

koī qatra samundar se laḌā.ī kar nahīñ saktā

tū jugnū hai faqat rātoñ ke dāman meñ baserā kar

maiñ sūraj huuñ tū mujh se āshnā.ī kar nahīñ saktā

ḳhudī kī daulat-e-uzmā ḳhudā ne mujh ko baḳhshī hai

qalandar huuñ maiñ shāhoñ kī gadā.ī kar nahīñ saktā

sifat fir.aun kī tujh meñ hai maiñ muusā kā haamī huuñ

kabhī taslīm maiñ terī ḳhudā.ī kar nahīñ saktā

jo zindāñ meñ aziyyat par aziyyat mujh ko detā hai

maiñ us zālim se ummīd-e-rihā.ī kar nahīñ saktā

jo kamtar hai baḌā.ī apnī apne muñh se kartā hai

magar 'afzal' kabhī apnī baḌā.ī kar nahīñ saktā

bulandi se kabhi wo aashnai kar nahin sakta

jo tere aastane ki gadai kar nahin sakta

zaban rakhte hue bhi lab-kushai kar nahin sakta

koi qatra samundar se laDai kar nahin sakta

tu jugnu hai faqat raaton ke daman mein basera kar

main suraj hun tu mujh se aashnai kar nahin sakta

KHudi ki daulat-e-uzma KHuda ne mujh ko baKHshi hai

qalandar hun main shahon ki gadai kar nahin sakta

sifat firaun ki tujh mein hai main musa ka hami hun

kabhi taslim main teri KHudai kar nahin sakta

jo zindan mein aziyyat par aziyyat mujh ko deta hai

main us zalim se ummid-e-rihai kar nahin sakta

jo kamtar hai baDai apni apne munh se karta hai

magar 'afzal' kabhi apni baDai kar nahin sakta