bhula bhi de use jo baat ho gai pyare
bhulā bhī de use jo baat ho ga.ī pyāre
na.e charāġh jalā raat ho ga.ī pyāre
tirī nigāh-e-pashemāñ ko kaise dekhūñgā
kabhī jo tujh se mulāqāt ho ga.ī pyāre
na terī yaad na duniyā kā ġham na apnā ḳhayāl
ajiib sūrat-e-hālāt ho ga.ī pyāre
udaas udaas haiñ sham.eñ bujhe bujhe sāġhar
ye kaisī shām-e-ḳharābāt ho ga.ī pyāre
vafā kā naam na legā koī zamāne meñ
ham ahl-e-dil ko agar maat ho ga.ī pyāre
tumheñ to naaz bahut dostoñ pe thā 'jālib'
alag-thalag se ho kyā baat ho ga.ī pyāre
bhula bhi de use jo baat ho gai pyare
nae charagh jala raat ho gai pyare
teri nigah-e-pasheman ko kaise dekhunga
kabhi jo tujh se mulaqat ho gai pyare
na teri yaad na duniya ka gham na apna KHayal
ajib surat-e-haalat ho gai pyare
udas udas hain shamen bujhe bujhe saghar
ye kaisi sham-e-KHarabaat ho gai pyare
wafa ka nam na lega koi zamane mein
hum ahl-e-dil ko agar mat ho gai pyare
tumhein to naz bahut doston pe tha 'jalib'
alag-thalag se ho kya baat ho gai pyare
- Book : kulliyat-e-habib jaalib (Pg. 96)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
