bhare hue hain abhi raushni ki daulat se
bhare hue haiñ abhī raushnī kī daulat se
diye jalā.eñge ham bhī magar zarūrat se
bahut se ḳhvāb haqīqat meñ dil-navāz na the
bahut se log chale aa rahe haiñ jannat se
usī nigāh se phir tum ne mujh ko dekh liyā
badan utaar kar aayā thā kitnī mehnat se
yahī ki tū baḌā ḳhush-hāl hai ḳhudāvandā
zarā pata nahīñ chaltā jahāñ kī hālat se
chamakte chāñd sitāroñ ko dafn kar aa.e
bujhe charāġh ko rakkhā gayā hifāzat se
badan ke taaq meñ jalte haiñ bas badan ke diip
ye raushnī hai bahut kam mirī zarūrat se
phir is mazāq ko jamhūriyat kā naam diyā
hameñ Darāne lage vo hamārī tāqat se
bhare hue hain abhi raushni ki daulat se
diye jalaenge hum bhi magar zarurat se
bahut se KHwab haqiqat mein dil-nawaz na the
bahut se log chale aa rahe hain jannat se
usi nigah se phir tum ne mujh ko dekh liya
badan utar kar aaya tha kitni mehnat se
yahi ki tu baDa KHush-haal hai KHudawanda
zara pata nahin chalta jahan ki haalat se
chamakte chand sitaron ko dafn kar aae
bujhe charagh ko rakkha gaya hifazat se
badan ke taq mein jalte hain bas badan ke dip
ye raushni hai bahut kam meri zarurat se
phir is mazaq ko jamhuriyat ka nam diya
hamein Darane lage wo hamari taqat se
- Book : Aakhiri Ishq Sabse Pahle Kiya (Pg. 45)
- Author : Nomaan Shauq
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
