bhanwar se ye jo mujhe baadban khinchta hai
bhañvar se ye jo mujhe bādbān khīñchtā hai
zarūr koī havāoñ ke kaan khīñchtā hai
kisī badan kī siyāhat niDhāl kartī hai
kisī ke haath kā takiya thakān khīñchtā hai
nashist ke to talabgār hī nahīñ ham log
hamāre paañv se kyuuñ pā.edān khīñchtā hai
badal ke dekh chukī hai re.āyā sāhib-e-taḳht
jo sar qalam nahīñ kartā zabān khīñchtā hai
dikhā rahā hai ḳharīdār ban ke aaj mujhe
jise lapeT ke rakkhūñ vo thaan khīñchtā hai
charāġhoñ meñ vo charāġh is liye numāyāñ hai
ham aise dekhne vāloñ kā dhyān khīñchtā hai
ye saarā jhagḌā tire inhimāk kā hī to hai
sameTtā hai koī dāstān khīñchtā hai
bhanwar se ye jo mujhe baadban khinchta hai
zarur koi hawaon ke kan khinchta hai
kisi badan ki siyahat niDhaal karti hai
kisi ke hath ka takiya thakan khinchta hai
nashist ke to talabgar hi nahin hum log
hamare panw se kyun paedan khinchta hai
badal ke dekh chuki hai reaya sahib-e-taKHt
jo sar qalam nahin karta zaban khinchta hai
dikha raha hai KHaridar ban ke aaj mujhe
jise lapeT ke rakkhun wo than khinchta hai
charaghon mein wo charagh is liye numayan hai
hum aise dekhne walon ka dhyan khinchta hai
ye sara jhagDa tere inhimak ka hi to hai
sameTta hai koi dastan khinchta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
