jo bhi aate hain wo bas toD ke chal dete hain
jo bhī aate haiñ vo bas toḌ ke chal dete haiñ
kaise samjhā.ūñ shajar kaise ye phal dete haiñ
ḳhush-bū hotī hai to siine se lagā.e rakhte
suukh jaa.eñ to ye phūloñ ko masal dete haiñ
maiñ ne dekhā hai yahāñ rahte hue duniyā meñ
apne rahbar hī yahāñ rasta badal dete haiñ
tum ne badle meñ diyā kuchh bhī nahīñ hai us ko
dene vaale to mohabbat meñ mahal dete haiñ
koī kyā ḳhaak bharosa hī kare apnoñ par
apne pairoñ se hī apnoñ ko kuchal dete haiñ
jo bhi aate hain wo bas toD ke chal dete hain
kaise samjhaun shajar kaise ye phal dete hain
KHush-bu hoti hai to sine se lagae rakhte
sukh jaen to ye phulon ko masal dete hain
main ne dekha hai yahan rahte hue duniya mein
apne rahbar hi yahan rasta badal dete hain
tum ne badle mein diya kuchh bhi nahin hai us ko
dene wale to mohabbat mein mahal dete hain
koi kya KHak bharosa hi kare apnon par
apne pairon se hi apnon ko kuchal dete hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
