har dil mein ek hujum-e-mohabbat hai aaj-kal
har dil meñ ik hujūm-e-mohabbat hai āj-kal
us shoḳh kī kuchh aur hī hasrat hai āj-kal
ai sehr-e-husn-e-yār maiñ ab tujh se kyā kahūñ
dil kā jo haal terī badaulat hai āj-kal
mastūr kis hijāb meñ hai vo jamāl-e-pāk
ahl-e-nazar ko jis se 'aqīdat hai āj-kal
ik tarfa be-ḳhudī kā hai 'ālam ki 'ishq meñ
taklīf aaj kal hai na rāhat hai āj-kal
har dil mein ek hujum-e-mohabbat hai aaj-kal
us shoKH ki kuchh aur hi hasrat hai aaj-kal
ai sehr-e-husn-e-yar main ab tujh se kya kahun
dil ka jo haal teri badaulat hai aaj-kal
mastur kis hijab mein hai wo jamal-e-pak
ahl-e-nazar ko jis se 'aqidat hai aaj-kal
ek tarfa be-KHudi ka hai 'alam ki 'ishq mein
taklif aaj kal hai na rahat hai aaj-kal
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
