pani ki tahrir paDhunga kaise main
paanī kī tahrīr paḌhūñgā kaise maiñ
tez havā ke saath chalūñgā kaise maiñ
titlī ko jab aag meñ pheñkā jā.egā
us manzar ko dekh sakūñgā kaise maiñ
sadiyoñ se zindān-e-barq-o-bād meñ huuñ
qufl-e-shām-o-sahar toḌūñgā kaise maiñ
lafz ki jin meñ merā ḳhuun bhī shāmil hai
kāġhaz par vo lafz likhūñgā kaise maiñ
mere saare 'aks haiñ jis ā.īne maiñ
reza reza use dekhūñgā kaise maiñ
'tāb' agar patthar haiñ chashm-o-gosh mire
sannāTe kī chīḳh sunūñgā kaise maiñ
pani ki tahrir paDhunga kaise main
tez hawa ke sath chalunga kaise main
titli ko jab aag mein phenka jaega
us manzar ko dekh sakunga kaise main
sadiyon se zindan-e-barq-o-baad mein hun
qufl-e-sham-o-sahar toDunga kaise main
lafz ki jin mein mera KHun bhi shamil hai
kaghaz par wo lafz likhunga kaise main
mere sare 'aks hain jis aaine main
reza reza use dekhunga kaise main
'tab' agar patthar hain chashm-o-gosh mere
sannaTe ki chiKH sununga kaise main
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
