be-hisi par meri wo KHush tha ki patthar hi to hai
be-hisī par mirī vo ḳhush thā ki patthar hī to hai
maiñ bhī chup thā ki chalo siine meñ ḳhanjar hī to hai
dho ke tū merā lahū apne hunar ko na chhupā
ki ye surḳhī tirī shamshīr kā jauhar hī to hai
raah niklī to koī toḌ ke chaTTānoñ ko
sāmne tiira o tārīk samundar hī to hai
saath huuñ maiñ bhī ki dil kī yahī marzī hai magar
dasht bhī be-dar-o-dīvār kā ik ghar hī to hai
thak ke ḳhvāboñ kī guzargāh se uTh aayā maiñ 'zeb'
kaun dekhe vahī dekhā huā manzar hī to hai
be-hisi par meri wo KHush tha ki patthar hi to hai
main bhi chup tha ki chalo sine mein KHanjar hi to hai
dho ke tu mera lahu apne hunar ko na chhupa
ki ye surKHi teri shamshir ka jauhar hi to hai
rah nikli to koi toD ke chaTTanon ko
samne tera o tarik samundar hi to hai
sath hun main bhi ki dil ki yahi marzi hai magar
dasht bhi be-dar-o-diwar ka ek ghar hi to hai
thak ke KHwabon ki guzargah se uTh aaya main 'zeb'
kaun dekhe wahi dekha hua manzar hi to hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
